بالأمس ميدو بعد فوز النادي الاهلي  اعطي المشاهدين خطبه عصماء عن  اكتشافه العظيم الذي يدفع  لاعبي الاهلي للفوز ؟؟والذي اجاب علي تساؤلاته   منذ ثلاثين عاما وهي لماذا الاهلي  يكسب دائما وفي كل الظروف ؟  وارجعها  الي الطاقة!! ايوه الطاقه الايجابيه !! وصرح انه  فرأ كتير لغاية ماتوصل للسبب  والسر الكبيراللي بيخلي الاهلي يتفوق ؟؟ وحقيقي صعب علي ميدو مش عايز يعترف  او يعرف ان كل شئ راجع للاداره !!  الاداره اللي بتعمل النظام والالتزام والطاقه ،، الاداره المحترمة  اللي دفعت محمود الخطيب للتواري وراء اللعيبة  عند تسلم الكأس  ولا يخطف الكأس من اللعيبه ويلف بيه النادي !! الاداره اللي بتخلي الخطيب مايتدخلش في شغل المدرب وهو لعيب الاهلي ومصر الاسطوري ( طبعا بعد شيكابالا احسن حبايبنا يزعلوا )  الاداره اللي بتسلم وتتسلم بهدوء مهما كانت الضغائن والاحقاد !! الاداره اللي رفضت تعمل طعن علي الاستاذ اللي قدم  وورقة واترفض  لانه كان ناقص ، لكن المحكمة حكمت له  علشان مايخشوش محاكم ، والعجيب ان  وزير الشباب والرياضة  هوه اللي عمل الطعن بنفسه  في سلوك غريب جدا عن الاهلي وعادي عند ناس تانيه في نوادي تانيه!! الاداره ثم الاداره ثم الاداره؟؟  ولامؤاخذه ليس السحر ولا الحكام  !! وهو ده اللي عامل مشكله لناس كتير لان المصريين  مشكلتهم الكبيره الاداره  لانهم محتاجين  اداره كويسه في كل المجالات  مش في الكوره بس ،، من غير اداره واعيه وشريفه وقلبها علي النادي اؤالمؤسسه او البلد ، مافيش فايدة ،، وأوعي ي حد يقول الاهلي بيعوض هزيمة مصر لان ده عيب ،، الاهلي جزء من مصر !! لكن مصر هي المبتغي والامل والشرف والوجود ، وصباحكم  فل

من صفحتها