مفاجأة.. الأزهر يرفض إلغاء خانة الديانة من البطاقة الشخصية
Wednesday, July 20, 2016 - 10:59
كتب:
علمت بوابة الحكاية من مصادرها داخل مجلس النواب، أن ممثلي مؤسسة الأزهر الشريف داخل المجلس رفضوا مشروع قانون حقوق المواطنة الذى تقدم به النائب علاء عبد المنعم، المتحدث باسم إئتلاف دعم مصر، لاحتواءه علي مادة تتضمن حذف خانة الديانة من بطاقة الهوية الشخصية .
وأكدت المصادر التي فضلت عدم ذكر أسمائها، أن الدكتور أسامة العبد رئيس لجنة الشؤون الدينية بالمجلس أبلغ عبد المنعم خلال لقاءه داخل المجلس باعتراضه علي المشروع ودار بينهم الحوار التالي :
العبد : صحيح يا سيادة النائب إنك عايز تحذف مادة الديانة من البطاقة الشخصية .
عبد المنعم : آه حقيقي، وإيه المشكلة
العبد : إزاي يعني، انت عايز مسلم يتم دفنه في مقابر مسيحين، أو مسيحي يتم دفنه في مقابر مسلمين .
عبد المنعم : وإيه المشلكة هو ربنا مش هيعرف يفرق بين المسلم والمسيحي، والناس اللي بتغرق، والناس اللي بتموت في بلاد تانية وتدفن برة، والدماء اللي اختلطت ببعض في الحرب .
هي دي بس المشكلة يا دكتور .
العبد : لا أنا مش عاجبني القانون، إحذف المادة دي وأنا هوافق عليه .
التعليقات