![](https://www.el7ekaya.com/sites/default/files/styles/header_image/public/header_images/16/06/02/07.png?itok=mhh6au6-)
ماذا لو كانت تشارليز تيرون مصرية؟ "خناقات وفسيخ وزواج عُرفي ومقالب"
1- كان مستحيل تاخد الأوسكار؛ لأن أول 10 أفلام في حياتها كان هينتجهم السُبكي، ويجيب لها سعد الصغير ومحمود الليثي أبطال معاها!
2- كانت هتعمل إعلانات جبنة دومتي، ومرقة دجاج فاين فودز، ومنظف الحمامات الجبار هاربك!
3- كانت غادة عبد الرازق هتتخانق معاها!
4- كانت هتدخل من صفحتها الرسمية تعمل لايك لفيديوهات رضوى الشربيني والشيف الشربيني، ومُمكن كمان لمحمود حديدة ودُنيا!
5- كانت هتتبهدل على إيدين بسمة وهبي وشيخ الحارة في رمضان، وهتتقَطَّع من طارق الشناوي باقي السنة!
6- كانت هتتخانق مع غادة عبد الرازق!
7- كانت هتضطر تقبل بالجواز من خالد يوسف.. عُرفي طبعًا!
8- كان هيبقا أقصى أحلامها تطلع ضيفة في برنامج الوسط الفني مع أحمد عبد العزيز على قناة الحدث اليوم!
9- كانت غادة عبد الرازق هتتخانق معاها!
10- كانت هتملا الإنستجرام بصورها وهي في الساحل الشمالي ودبي وموسم الرياض لو حد افتكر يعزمها هناك!
11- كانت هتتجوز محمد مختار، وينتج لها فيلمين ويخلفوا بنت ويتطلَّقوا!
12- كانت رانيا يوسف هتتخانق معاها!
13- وكانت هتتخانق مع رانيا يوسف وغادة عبد الرازق برضو!
14- كانت هتسافر إنجلترا تحضر ماتش ليفربول عشان تتصوَّر مع صلاح وتنزل الصورة على إنستجرام!
15- وقتها كان هيطلع عليهم إشاعات إنهم اتجوزوا عُرفي!
16- كانت غادة عبد الرازق هتتخانق معاها!
17- كانت هتلبس فستان يقلب البلد في افتتاح مهرجان الجونة!
18- كانت هتحتفل بفيديو بلايف على فيس بوك إن الدايت بتاعها نجح ونزلت وزنها من 110 كيلو لـ98 كيلو في شهرين اتنين بس، والفضل لدكتور نقيب تيسير فهمي، وحبوب كوزلمحبتخرماديلوبنطتلحام الططبية الدوائية المعجزة!
19- كانت هتتخانق مع غادة عبد الرازق!
20- كانت شيرين عبد الوهاب هتطلع فجأة تشتمها وهي بتغني في حفلة من غير أي مناسبة!
21- كانت في شم النسيم هتنشر صورتها وهي بتاكل فسيخ، وتكتب عليها "يا عشق العُمر.. لا يكره إلا أعداء الجمال"!
22- كانت غادة عبد الرازق هتتخانق معاها!
23- كانت هتبقى ضحية كل سنة في برنامج رامز جلال!