ازاى تحبي صح؟.. إكسف على دمك وسيبي الموبايل وانتي معاه!!

قبل أن تحكمي على الرجل بأنه لم يعد يحبك، تعالي هنا ”الحكاية“ هتقول لك.

- التعبير عن مشاعر المرأة تختلف تماماً عن تعبير الرجل:
يعني يا حلوة هما مش زيينا.. احنا بنحب نعبر بالكلام ونفضل نقول (يا حبيبي.. يا روحي.. يا عمري.. يا نن عنيا.. يا كبد اللي جابوني.. بحبك يا كل ما ليا.. مقدرش اعيش من غيرك ولا ثانية.. بعشقك ازاي كده طيب؟ .. انت كل حاجة في حياتي.. الخ .. )
الراجل لو حب واحدة بيهتم بيها وبتفاصيل حياتها ويحب اوي يقعد يهزر معاها علشان يضحكها. هي دي طريقة التعبير عن حبهم ”خلقة ربنا هنعمل ايه“؟
المرأة لما تحب تخلي الراجل يغير عليها مبيكونش قدامها غير حاجة من الاتنين ملهمش تالت، يا ”واحد عاكسني في الشارع، يا متقدملي عريس“.. وبالرغم من إن نص الرجالة بيكونوا عارفين انها اشتغالة إلا أنها ما زالت بتدخل على النصف الآخر عادي جداً.
الراجل بيعبر عن غيرته بطريقة تانية خالص زي ”متلبسيش كذا، كنتي بتكلمي مين ع الويتينج؟ ماتتأخريش، مين ده ؟“ فـ خلي بالك ده مش شك ولا حب امتلاك، ده بيحبك وعلشان بيحبك بيستنى منك إجابات واضحة وصريحة على أسئلته، لو جاوبتيها هتستريحي وتريحي وهوه هيكون في غاية الإنبساط.
لما تلاقيه  بيتكلم عن نفسه كتير.. ده بيحبك وقوي كمان، هتقوليلي ازاي؟ هقولك .. لما الراجل يتكلم ويمجد عن نفسه ما بيبقاش مغرور ولا عنده نقص لاسمح الله! أبسوليوتلي ده بيحاول يملى عينيك علشان يضمن انك هتفضلي تحبيه وماتشوفيش غيره، فالإبهار هنا وسيلة من وسائل الحب عند الرجل فـ ماتستقليش بيها ولا تنفري منها.
لو قاعدين مع بعض ولاحظتي انه مش بيلمس الموبايل طول ما انتوا بتتكلموا، ده مش معناه انه لابد يكون بيخونك وعامله سايلنت، ده بيكون عايز يركز معاكي انتِ وبس لاجل البعيدة تحس على دمها وتسيب التليفون، مش لازم تردي على مرمر واتس آب خالص دلوقتي، وبدل ما الأفكار الشيطانية اللي بتجيلك دي تجيلك، ابقي ارغي مع مرمر ساعتها براحتك.
لما تفضلي تزني عليه وتكلميه كل نص ساعة ومردش، ده مش معناه انه زهق منك ومش طالباكِ دلوقتي، هو انتِ فعلا مابتكونش طالباكِ دلوقتي، بس علشان بيكون فعلاً مش عارف، التمسي له العذر وقولي لإبليس "روح شوف طلبات بيتك بعيد عننا".
التعليقات