عم فرغلي يشوف الماتش ازاي ؟!

كنت بادردش مع فرغلي وهو بيوصلني مشوار وكان بيتسائل عن كيفية مشاهدة تايم سبورت...والحقيقة اسئلته ماعنديش لها رد مع بساطتها...مثل هل الايريال القديم ينفع؟ هل محتاج اركب اي اجهزة اضافية؟ اجيبها منين؟ وبكام؟

انا مش شايل هم الموضوع ده لاني مشترك في بي ان...لكن الشعب اللي احنا جهزنا كل التجهيزات دي علشان يستمتعوا هم بكاس الامم بدون دفع اشتراك او عمل وصلات ..مافيش خطة تواصل وشرح للشخص البسيط اللي كل ده معمول لخدمته

مثل ما حدث في مشروعات كثيرة من قبل ...لا يكلف احد نفسه في الحكومة انه يضع خطة للتواصل مع افراد الشعب...ونترك المجال خالي للحيرة والفتي والاهم عدم شعور المواطن ان حد مهتم بيه وان فيه كمية حاجات كتير بتحصل في خدمة المواطن..ولا بنعرف نديه تمهيد ولا بنعرف نشرح ونروج للمشاريع دي...من اول تايم سبورت لمنصة واتشيت مرورا بالمشاريع الكبيرة والتي لا يشعر المواطن بها لعدم وجود استراتيجية للتواصل مع المواطن Communication Strategy...تجعل منه مواطن اسعد حالا واكثر تقديرا للمجهودات المبذولة من الدولة.

التعليقات