فيسبوكيات أمينة خيري : مشكلتي مع " حجابي عفتي " والبنت المعووجة !!

في الحقيقة عندي مشكلة وجودية مع  التالي:

أولا الستات والبنات اللي  بتسمي نفسها رندودة ورغدودة وماجدودة وبطبوطة.
 
ثانيا كل من تسول لها نفسها أن يكون إسمها على فايسبوك حجابي عفتي ونقابي لهفتي وباحبك يارب وسترك يارب وعشانا عليك يارب.
 
ثالثا الناس اللي شغالة صعبانيات بس على فايسبوك إيد مكسورة عربية مخبوطة خالة مقتولة عيون مقفولة ده غير صور المستشفيات والمستوصفات وكده.
 
رابعا الآنسات اللي بيقفوا يتصوروا فيتنوا رجلهم نص تانية مع رفع القدم لفوق وكذلك نظرات العيون الفاتنة بالجنب ومعاها أيضا الحركات اللي بتتعمل بالإيدين على الوش قال يعني مغطية عينيها الدباحة أو حاطة إيديها على خدودها وغيره من حركات الحلمنتيش والشلمحتيش!!.
التعليقات